HACCP

Për të arritur një menaxhim dhe mbrojtje më të mirë të pasurive natyrore bregdetare si dhe promovimin e vendit si destinacion turistik, me vendim të Këshillit të Ministrave nr.31 st 22.01.2014, krijohet Agjencia Kombëtare e Bregdetit. Agjenci e cila ka përgjegjësi dhe kompetencë në sigurimin e zhvillimit të qëndrueshëm të turizmit, nëpërmjet inspektimit dhe kontrollit të veprimtarive turistike, hotele, struktura akomoduese, etj.

Resortet, hotelet, hostelet, bed&breakfast dhe agroturizmet i nënshtrohen të njëjtit legjislacion kombëtar dhe evropian në lidhje me sigurinë ushqimore, e cila parashikon për secilën prej tyre dhe për drejtuesit respektivë respektimin e ligjeve për higjienën dhe kontrollin, HACCP dhe monitorimin e higjienës dhe planin përkatës të vetëkontrollit.

Certifikata dhe dokumentacioni HACCP për këto struktura është një instrument i parashikuar nga legjislacioni evropian dhe shqiptar (ligji për Ushqimin nr. 9863 i vitit 2008), të cilin një administrator ose përgjegjësi i një hoteli duhet ta disponojë për të përgatitur praktikat e veta të vetëkontrollit; një instrument që legjislacioni ja ka vënë në dispozicion të tyre dhe të aktiviteteve që ata menaxhojnë për t’i udhëzuar dhe për t’i shoqëruar në mbrojtjen ndaj rreziqeve me të cilat do të përballeshin ushqimet dhe pijet.

Në ligjin për ushqimin (ligji nr. 9863 i vitit 2008) u imponon hoteleve, fshatrave turistike, bed&breakfast, agroturizmave, etj. të ruajnë ushqimet në temperaturën e duhur dhe të mbrojtura në mënyrë adekuate nga agjentët atmosferikë; gjithsesi duke respektuar rregullat bazë të ruajtjes së ushqimit.

Cilat janë aspektet që u interesojnë më shumë strukturave si hotelet në lidhje me HACCP?

Për të shmangur kontaminimet, një aspekt përcaktues është pastrimi dhe dezinfektimi i ambienteve, veçanërisht të kuzhinës, ku përdoren ushqimet, dhe i sallës së ngrënies/shërbimit ku ushqimet konsumohen nga klientët e hotelit.

Sa i përket menaxhimit të hapësirave, në hotele duhet të ndahen ambientet ku ruhen dhe mbahen ushqimet nga ambientet e tjera ku trajtohen materiale të tjera, si ato të destinuara për pastrimin e dhomave apo lavanderinë. Kjo ndarje e hapësirave është e nevojshme për të ulur rrezikun e mundshëm të kontaminimit të ushqimeve.

Personeli i hotelit që në çfarëdo mënyre ka të bëjë me furnizimet ushqimore duhet të jetë i trajnuar në mënyrë që të mos jetë vetë burim ndotjeje për produktet ushqimore; kështu që ngushtë i lidhur me HACCP-në ushqimore për hotelet është çështja e higjienës personale të stafit.

Për sa i përket shëndetshmërisë së vendeve të destinuara për ruajtjen, kuzhinën dhe konsumimin e ushqimeve në hotele, vlejnë rregullat HACCP të çdo aktiviteti tregtar: pastrim, higjienizim, dezinfektim, si dhe mirëmbajtja e të gjitha atyre mjeteve që hyjnë në kontakt të drejtpërdrejtë me ushqimet e destinuara për konsumatorin final (frigoriferë, furra, tenxhere dhe tiganë të ndryshëm …).

Për të marrë informacion mbi konsulencën dhe kostot përkatëse kontaktoni me ekspertët dhe specialistët tanë të ushqimit nëpërmjet emailit apo kontakteve të mëposhtme: